Vulnerable candle lights

Dát idja lea rašit go eará ijat

Dán ija lea soames
gii cáhkkeha ginttala

Su ovddas,
gii buolašijas olgun dál idjada
ja geas ii ruoktu leat
Su ovddas,
geas nealgi sihkku buot eará dovdduid,
ja gii geafi lea juohkeládje

Su ovddas,
gii vuohččan juovllaid ávvuda
lagamusaidis haga geat luohpan leat
Su ovddas nai,

gii akto lea máŋggaid juovllaid jo leamašan

Su ovddas,
gii guđđojuvvon lea ja vajalduvvon
ja geas noađđi deaddá olggiid
Su ovddas,
gii áibbaša ja gii váillaha, morašta
ja geas árbi sielus lea

Lea soames
gii cáhkkeha ginttala sin ovddas

Ja gii cáhkkeha dan,
dat maiddai galga min muittus leat